లేటెస్ట్ కరెంట్ అఫైర్స్....

💉 ప్రాణాంతక కొవిడ్‌ మహమ్మారిపై పోరాడే కీలక ఆయుధాన్ని రష్యా ఆవిష్కరించింది.

💉 ఈ మహమ్మారి నివారణకు మొట్టమొదటిసారిగా టీకాను పూర్తిస్థాయిలో సిద్ధం చేసినట్లు అధ్యక్షుడు వ్లాదిమిర్‌ పుతిన్‌ ప్రకటించారు.

💉 1957లో సోవియట్‌ యూనియన్‌ ప్రయోగించిన తొలి ఉపగ్రహం పేరిట ఈ టీకాకు ‘స్పుత్నిక్‌-వి’ అని నామకరణం చేశారు.

💉 స్పుత్నిక్‌-వి టీకాను గమలేయా పరిశోధన సంస్థ, బినోఫార్మ్‌ ఉత్పత్తి చేస్తాయని రష్యా ఆరోగ్యశాఖ మంత్రి మిఖాయిల్‌ మురాష్కో తెలిపారు.

💉  ఈ టీకా 2021 జనవరి 1 నుంచి పౌరులకు అందుబాటులోకి వస్తుందని రష్యా ‘స్టేట్‌ రిజిస్టర్‌ ఆఫ్‌ ఫార్మాస్యూటికల్స్‌’ వెబ్‌సైట్‌ పేర్కొంది.

💉 ఈ టీకాను గామలేయ పరిశోధన సంస్థ, రష్యా రక్షణ మంత్రిత్వశాఖ సంయుక్తంగా అభివృద్ధి చేశాయి.

💉 రెండేళ్ల వరకూ కరోనా నుంచి రక్షణ లభిస్తుందని రష్యా ఆరోగ్య మంత్రిత్వశాఖ పేర్కొంది.

👨‍⚖ హిందూ అవిభక్త కుటుంబ ఆస్తులకు కుమారులతో పాటు కుమార్తెలు కూడా సమాన హక్కుదారులేనని సుప్రీంకోర్టు విస్పష్టం చేసింది.

👨‍⚖ హిందూ వారసత్వ (సవరణ) చట్టం-2005’ అమల్లోకి రావడానికి ముందు నుంచీ ఇది వర్తిస్తుందని తీర్పునిచ్చింది. 

👨‍⚖ 2005, సెప్టెంబరు 9కి ముందు పుట్టిన కుమార్తెలూ అవిభాజ్య కుటుంబ ఆస్తులకు సమాన హక్కుదారులేనని పేర్కొంది.

👨‍⚖ అవిభక్త హిందూ కుటుంబంలో జన్మించిన కుమార్తెలకు పూర్వీకుల ఆస్తుల్లో సమానత్వ హక్కును కల్పిస్తూ... 1956 నాటి హిందూ వారసత్వ చట్టంలోని సెక్షన్‌-6కు 2005లో ప్రభుత్వం సవరణలు చేపట్టింది

👨‍⚖ కేంద్ర ప్రభుత్వం తరఫున సొలిసిటర్‌ జనరల్‌ తుషార్‌ మెహతా వాదనలు వినిపించారు. ‘‘కుమారులతో పాటు కుమార్తెలకూ వారసత్వ ఆస్తిలో సమాన హక్కులను ప్రభుత్వం కల్పించింది. ఈ విషయంలో వారిని దూరం చేయడం వివక్షకు, అణచివేతకు, ప్రాథమిక హక్కుల ఉల్లంఘనకు దరితీస్తుంది. పుట్టుక ద్వారా కుమార్తెలకు వారసత్వ హక్కు లభించవచ్చు. కానీ, వారసత్వ హక్కు అనేది జన్మహక్కు’’ అని ఆయన పేర్కొన్నారు.

💧 తెలంగాణలో గతంలో భారీ, మధ్యతరహా, చిన్న తరహా, ఐడీసీ లాంటి వివిధ విభాగాల కింద ఉన్న నీటి పారుదల శాఖ ఇకపై జల వనరుల శాఖగా మాత్రమే కొనసాగనుంది.

💧 మెదక్‌ జిల్లాలోని ఘనపూర్‌ ఆనకట్టకు వనదుర్గ ప్రాజెక్టుగా నామకరణం చేయాలని ముఖ్యమంత్రి నిర్ణయించారు.

💸 ముకేశ్‌ అంబానీకి చెందిన రిలయన్స్‌ ఇండస్ట్రీస్‌ ఫార్చూన్‌ గ్లోబల్‌ 500 జాబితాలో అగ్రగామి 100 కంపెనీల్లోకి చేరింది

💸 2020 సంవత్సర ర్యాంకుల్లో కంపెనీ 96వ స్థానంలో నిలిచి రికార్డు సృష్టించింది. ఫార్చూన్‌ గ్లోబల్‌ 500 జాబితాలో ఏ భారత కంపెనీకైనా ఇదే అత్యుత్తమ ర్యాంకు కావడం గమనార్హం.

💸 2012లో రిలయన్స్‌ తొలి సారిగా టాప్‌-100లోకి చేరింది. అపుడు కంపెనీ 99వ ర్యాంకు సాధించింది.

💸 ప్రభుత్వ రంగ సంస్థ ఇండియన్‌ ఆయిల్‌ కార్పొరేషన్‌(ఐఓసీ) 34 స్థానాలు తగ్గి 151వ ర్యాంకుకు; ఓఎన్‌జీసీ 30 ర్యాంకులు కోల్పోయి 190వ స్థానానికి పరిమితమయ్యాయి

💸 ఇక ఎస్‌బీఐ మాత్రం 21 స్థానాలు మెరుగుపరచుకుని 221వ ర్యాంకును సాధించింది

💸 రిలయన్స్‌ ఇండస్ట్రీస్‌కు చెందిన రిఫైనింగ్‌, పెట్రో రసాయనాల వ్యాపారంలో వాటాను 1500 కోట్ల డాలర్లతో కొనుగోలు చేయడానికి సాధ్యాసాధ్యాలు పరిశీలిస్తున్నట్లు ప్రపంచంలోనే అతిపెద్ద చమురు ఎగుమతిదారు సౌదీ ఆరామ్‌కో ప్రకటించింది.

🎞  చిత్రం:  గుంజన్‌ సక్సేనా:ది కార్గిల్‌ గర్ల్‌

🎞 నటీనటులు: జాన్వీ కపూర్‌, పంకజ్‌ త్రిపాఠి

🎞 ది కార్గిల్‌ గర్ల్‌గా పేరొందిన ఇండియన్‌ ఎయిర్‌ఫోర్స్‌ తొలి మహిళా పైలట్‌ గుంజన్‌ సక్సేనా జీవితం ఆధారంగా తెరకెక్కినది ఈ చిత్రం.

🎞 దర్శకత్వం : శరణ్‌ శర్మ

🛩 సుఖోయ్‌ యుద్ధ విమానాల పేరుచెబితే శత్రుదేశాల గుండెల్లో రైళ్లు పరుగెడతాయి..అలాంటి ప్రతిష్ఠాత్మక యుద్ధవిమానాలకి.. వెపన్‌సిస్టమ్‌ ఆఫీసర్‌గా బాధ్యతలు చేపడుతోంది తేజస్విని.

🛩 ఇదేమంత తేలికైన బాధ్యత కాదు. ఇంతవరకూ అమెరికా, బ్రిటన్‌వంటి దేశాలు మాత్రమే మహిళలని ఈ స్థాయిలో ఆఫీసర్‌గా నియమించాయి

🛩 ఆ తర్వాత మనదేశం నుంచి ఈ అరుదైన ఘనత సొంతం చేసుకున్న మొదటి మహిళ తేజస్వినీ రంగారావు. ఆమె స్వస్థలం చెన్నై.

🛩 సుఖోయ్‌ వంటి యుద్ధవిమానాలు చేసే యుద్ధవిన్యాసాలని నిర్వహించేందుకు పైలట్లు కాకుండా ప్రత్యేకంగా వెపన్‌ సిస్టమ్‌ అధికారులు ఉంటారు. వాళ్లనే విజో అంటారు..

🏹లక్ష్య🇮🇳స్వచ్చంద📚సేవా🩺సంస్థ