ఆగస్ట్ 21 కరెంట్ ఎఫైర్స్... తెలుగులో..

✍ సీనియర్‌ జర్నలిస్టు, సాహితీవేత్త కె.శ్రీనివాస్‌కు 2020 సంవత్సరానికిగాను డా.దేవులపల్లి రామానుజరావు పురస్కారాన్ని ప్రదానం చేయాలని తెలంగాణ సారస్వత పరిషత్తు నిర్ణయించింది. 

✍ ఈ నెల 25న డా.దేవులపల్లి రామానుజరావు 103వ జయంతిని పురస్కరించుకొని ఆంధ్రజ్యోతి సంపాదకుడు శ్రీనివాస్‌కు ఈ పురస్కారం ప్రదానం చేస్తామని పరిషత్తు అధ్యక్షుడు ఆచార్య ఎల్లూరి శివారెడ్డి, ప్రధాన కార్యదర్శి డా.జుర్రు చెన్నయ్యలు వెల్లడించారు. 

✍ పురస్కారం కింద రూ.25 వేల నగదు, జ్ఞాపిక అందజేస్తామన్నారు.

✍ సాహిత్య అకాడమి మాజీ అధ్యక్షుడు డా.నందిని సిధారెడ్డి విశిష్ట అతిథిగా పాల్గొంటారన్నారు.

🇷🇺 రష్యాలో అవినీతి వ్యతిరేక సంస్థ వ్యవస్థాపకుడు, విపక్ష నేత అలెక్సే నావల్నీ(44) తీవ్ర అనారోగ్యానికి గురయ్యారు. ఆయనపై విషప్రయోగం జరిగినట్లు అనుమానిస్తున్నారు.

🇷🇺  యాంటీ కరప్షన్‌ ఫౌండేషన్‌తో పాటు ‘రష్యా ఆఫ్ ది ఫ్యూచర్’‌ పార్టీ నేతగా ఉన్న నావల్నీ ప్రభుత్వ ఉన్నతాధికారుల అవినీతిని బయటపెడుతున్నారు.

🇷🇺 వీటితోపాటు పుతిన్‌కు ప్రధాన ప్రత్యర్థిగా ఎదిగారు. ఆయన గతంలో అధ్యక్షుడిపై విమర్శలు చేశారు.

🇷🇺 ఈ క్రమంలో అతడు పలుమార్లు జైలుకు కూడా వెళ్లారు. అయితే అతనిపై పెట్టిన కేసులు రాజకీయ కక్షసాధింపు చర్యలేనని తేలడంతో జైలు నుంచి విడుదలయ్యారు. 

🧹 కేంద్ర పట్టణాభివృద్ధిశాఖ ప్రకటించిన 5వ విడత స్వచ్ఛర్యాంకుల్లో లక్షకుపైబడిన జనాభా ఉన్న 100 నగరాల్లో మధ్యప్రదేశ్‌లోని ఇండోర్‌ వరుసగా నాలుగోసారి తొలిర్యాంక్‌ సాధించింది.

🧹 కేంద్ర పట్టణాభివృద్ధి మంత్రి హర్‌దీప్‌సింగ్‌ వెల్లడించిన 2020 స్వచ్ఛ సర్వేక్షణ్‌ ఫలితాల్లో గుజరాత్‌లోని సూరత్‌-2వ, నవీ ముంబయి 3వ స్థానంలో నిలిచాయి.

🧹 లక్ష లోపు జనాభా నగరాల్లో మొదటి మూడు ర్యాంకులను మహారాష్ట్రలోని కరాడ్‌, సస్వాడ్‌, లోనావాలా దక్కించుకున్నాయి.

🧹 పరిశుభ్ర గంగానగరంగా ప్రధాని మోదీ ప్రాతినిధ్యం వహిస్తున్న వారణాశి నిలిచింది. 

🧹 40 లక్షలకు పైబడిన జనాభా ఉన్న నగరాల్లో శుభ్రమైన నగరంగా అహ్మదాబాద్‌ నిలిచింది. ఈ కేటగిరీలో బెస్ట్‌ స్వయం సమృద్ధ నగర గౌరవం బెంగళూరుకు దక్కింది.

🧹 స్వచ్ఛ సర్వేక్షణ్‌ మొదలైన 2016లో కేవలం 73 స్థానిక సంస్థలు పాల్గొనగా ఈ ఏడాది 4,242 నగరాలు, 62 కంటోన్మెంట్‌ బోర్డులు, 92 గంగా పరీవాహక ప్రాంత పట్టణాలు పోటీలో పాల్గొన్నాయి.

🧹 స్వచ్ఛ సర్వేక్షణ్‌ ర్యాంకుల్లో ఈ సంవత్సరం తెలంగాణ ప్రభ తగ్గింది.

🧹 లక్షకుపైబడిన జనాభా ఉన్న 100 నగరాల్లో ఈసారి హైదరాబాద్‌కు 65వ ర్యాంకు దక్కింది. 

🧹 గత ఏడాది 35వ స్థానంలో నిలిచిన మహానగరం ఈసారి 30 ర్యాంకులు కోల్పోయింది. పది లక్షల జనాభాకు పైబడిన నగరాల ర్యాంకుల్లో మాత్రం  23వ స్థానంలో నిలిచింది.

🧹 ప్రజా స్పందనలో గ్రేటర్‌ హైదరాబాద్‌కు బెస్ట్‌ మెగా సిటీ ఇన్‌ సిటిజన్‌ ఫీడ్‌బ్యాక్‌ అవార్డు దక్కింది.

🧹 గత ఏడాది లక్షకు పైబడిన జనాభా గల జాతీయస్థాయి 100 నగరాల్లో వరంగల్‌ 81వ ర్యాంకు, కరీంనగర్‌ 99వ ర్యాంకు దక్కించుకోగా, ఈసారి రెండూ అందులో స్థానాన్ని కోల్పోయాయి.

🧹 1 నుంచి 10 లక్షల జనాభా కేటగిరీలో కరీంనగర్‌ 72, వరంగల్‌ 144వ స్థానాలకు పరిమితమయ్యాయి.

🧹 లక్ష లోపు జనాభా పట్టణాల జాబితాలో గత ఏడాది సిద్దిపేట జాతీయస్థాయిలో 84వ ర్యాంకు చేజిక్కించుకోగా ఈసారి ఆ స్థానాన్ని కోల్పోయింది. 

🧹 కంటోన్మెంట్‌ బోర్డుల్లో సికింద్రాబాద్‌కు 31వ ర్యాంకు దక్కింది.ఓవరాల్‌ కేటగిరీలో లక్షకుపైబడిన జనాభా నగరాలకు ప్రకటించిన 100 ర్యాంకుల్లో తెలంగాణకు ఒక్క ర్యాంకే దక్కింది.

🧹 లక్షలోపు జనాభా గల పట్టణాల కేటగిరీలో ఒక్కటీ రాలేదు. మొత్తమ్మీద పనితీరులో 100లోపు పట్టణ స్థానిక సంస్థలున్న రాష్ట్రాల్లో ఝార్ఖండ్‌ తొలి ర్యాంకును కైవసం చేసుకోగా, తెలంగాణ 8వ స్థానంలో నిలిచింది.

🧹 గత ఏడాది దక్షిణాది జోన్‌ స్థాయిలో రెండోస్థానంలో నిలిచిన సిద్దిపేట ఈసారి 27కి పరిమితమైంది.

🧹 50 వేలు-1 లక్షలోపు జనాభా విభాగంలో మొదటి స్థానంలో నిలిచిన సిరిసిల్ల స్థానం ఈసారి 16కి పడిపోయింది.

D.Rajesh ✍️ ️:

🚰 కేంద్ర జల్‌శక్తి శాఖ నిర్వహించిన అధ్యయనంలో.. ఇంటింటికీ నల్లా కనెక్షన్ల ద్వారా రక్షిత తాగునీటి సరఫరాలో తెలంగాణ అగ్రగామిగా నిలిచింది.

👉 నిఫ్టీ-50 సూచీలోకి దివీస్‌ ల్యాబ్స్‌, ఎస్‌బీఐ లైఫ్‌ ఇన్సూరెన్స్‌ షేర్లను చేర్చనున్నారు.

👉 ప్రస్తుతం సూచీలో ఉన్న భారతీ ఇన్‌ఫ్రాటెల్‌, జీ ఎంటర్‌టైన్‌మెంట్‌ షేర్లను తొలగించి వీటి స్థానంలో దివీస్‌, ఎస్‌బీఐ లైఫ్‌ షేర్లు రానున్నాయి.

👉 ఈ మార్పు చేర్పులు వచ్చే నెల 25 నుంచి అమల్లోకి రానున్నాయి.

🏦 ఈ ఆర్థిక సంవత్సరం చివరి నాటికి నాలుగు ప్రభుత్వ రంగ బ్యాంకులను ప్రైవేటీకరించాలని కేంద్ర ప్రభుత్వం భావిస్తోంది. 

🏦 అందులో పంజాబ్‌ అండ్‌ సింధ్‌ బ్యాంక్‌, బ్యాంక్‌ ఆఫ్‌ మహారాష్ట్ర, యూకో బ్యాంక్‌, ఐడీబీఐ బ్యాంకులున్నాయి

🏦 వీటిల్లో ప్రభుత్వానికి ప్రత్యక్షంగాను, పరోక్షంగాను మెజారిటీ వాటాల ఉన్నాయి. 

🏦 ప్రస్తుత ఆర్థిక సంవత్సరాంతానికి ఈ వ్యవహారాన్ని పూర్తి చేయాలని ప్రభుత్వం గట్టిగా భావిస్తోంది. అదే జరిగితే కేవలం 5 పెద్ద బ్యాంకులే ప్రభుత్వ బ్యాంకులుగా ఉంటాయి. 

🏦 మనదేశంలో బ్యాంకులను జాతీయం చేయడం (ప్రైవేటు బ్యాంకులను ప్రభుత్వ బ్యాంకులుగా మార్చటం...) 1969లో ఒకసారి, 1980లో రెండోసారి జరిగింది. 

🏦 మూడేళ్ల క్రితం ఎస్‌బీఐలో దాని ఏడు అనుబంధ బ్యాంకులను విలీనం చేశారు. ఆ తర్వాత బ్యాంక్‌ ఆఫ్‌ బరోడాలో విజయా బ్యాంకు, దేనా బ్యాంకు కలిశాయి. 

🏦 మలిదశ విలీనం ఇంకా పెద్దది. ఒకేసారి 10 బ్యాంకులను నాలుగు బ్యాంకులుగా మార్చారు. దీంతో ప్రస్తుతం 5 పెద్ద ప్రభుత్వ రంగ బ్యాంకులు ఉన్నట్లు అయింది.

🏅 జాతీయ క్రీడా పురస్కారాల ప్రైజ్‌మనీని భారీగా పెంచేందుకు కేంద్ర క్రీడా మంత్రిత్వ శాఖ ప్రతిపాదనలు సిద్ధం చేసింది. 

🏅ఈ ప్రతిపాదనలకు ఆమోదముద్ర పడితే రాజీవ్‌ ఖేల్‌రత్న అవార్డీకి రూ.25 లక్షలు, అర్జున అవార్డీకి రూ.15 లక్షలు నగదు బహుమతిగా లభించనున్నాయి.

🏅 ప్రస్తుతం ఖేల్‌రత్నకు రూ.7.5 లక్షలు, అర్జునకు రూ.5 లక్షలు నగదు బహుమతిగా అందజేస్తున్నారు.

🏅 ధ్యాన్‌చంద్‌, ద్రోణాచార్య (లైఫ్‌టైమ్‌) అవార్డుల ప్రైజ్‌మనీని రూ.5 లక్షల నుంచి రూ.15 లక్షలకు పెంచనున్నారు. 

🏅ఈనెల 29న జాతీయ క్రీడా దినోత్సవం రోజున క్రీడా పురస్కారాలు అందజేస్తారు. అంతలోపే నూతన నగదు బహుమతుల్ని ప్రకటించాలని క్రీడల శాఖ భావిస్తోంది.

🏹లక్ష్య🇮🇳స్వచ్చంద📚సేవా🩺సంస్థ