ఒకప్పుడు ఉమ్మడి కుటుంబాలు ఉండేవి. ఇంట్లో పెద్దవాళ్లు ఉండేవారు. వారిని, వారి మాటలను గౌరవించేవారు. కానీ నేడు అలాంటి పరిస్థితి లేదు.
అప్పట్లో ఎక్కువగా చదువుకోకపోయినా వాళ్ళ తెలివితేటలతో సంసారాన్ని చక్కగా నడిపించేవారు. అందరి మధ్య సఖ్యత ఉండేది. కానీ ఇప్పుడు గొడవల మధ్యే జీవితం తెల్లారిపోతుంది.
ఏదో పెద్దవాళ్ళు అంటుంటారులే దానికి అంత ప్రాముఖ్యత ఇవ్వాల్సిన అవసరం లేదని భావిస్తున్నారు..
పంతాల మధ్య కుటుంబంలోని బాంధవ్యాలు కనుమరుగైపోతున్నాయి. ఓర్పు, సహనం పూర్తిగా నశించి పోతున్నాయి.
నేటితరం పిల్లలు చదువుల విషయంలోనూ, కెరీర్ విషయంలోనూ ముందుంటున్నారు, అన్నింటిలో రాణిస్తున్నారు కూడా... కానీ కుటుంబ విషయంలో మాత్రం సరిగ్గా అంచనాకు రాలేకపోతున్నారు..
కుటుంబ విలువలు అనేవి పుస్తకాలలో చదివి తెలుసుకోవాల్సిన విషయాలేం కాదు... ఇది జీవితం.. ఓక్కో బంధం దగ్గర ఓక్కోలా నడుచుకోవాల్సిఉంటుంది.. చిన్న చిన్న వాటికే బెంబేలుపడిపోయే మనస్తత్వాలుగా కాకుండా.. ఏ సమస్యనైనా పరిష్కరించేలా తల్లిదండ్రులు కూడా నేర్పించాలి..
ఎక్కడ తగ్గాలో కాదు, ఎక్కడ నెగ్గాలో కూడా చెప్పాలి.. దీనివలన కుటుంబ వాతావరణం బాగుంటుంది.. ☘
Comments
Post a Comment