గమనిక: ఇది కొంత మందిని ఉద్దేశించి మాత్రమే. ఆ కొంత మందిలో మీరు లేకపోతె ఈ పోస్ట్ మీకు తప్పకుండా నచ్చుతుంది.
"ఒంటి మీదకి ముప్పై ఏళ్ళు" వస్తున్నా.... అమ్మా బాబు సంపాదన మెక్కుతున్న సన్నాసుల్లారా..... మీకే చెప్తున్నా వినండి.
మీరేదో పొడిచేసి చించేసి చదివిన చదువుకి సరిపడిన ఉద్యోగం రాలేదు అని ఏడుస్తూ, ప్రభుత్వాన్ని నిందిస్తూ సంవత్సరాల తరబడి రోడ్డున పడి తిరిగేటపుడు ఒక్క క్షణం ఐన ఆలోచించారా...?
నీ భవిష్యత్తు కోసం, నీ చదువు కోసం ఇప్పటికి నీ తండ్రి ఓ కూలివాడిలా, ముసలి ఎద్దులా పని చేస్తున్నాడని...
ఉడుకు రక్తం... ఉడుకు రక్తం... అని విర్రవీగే ఓ మనుషుల్లారా రంగులు పూసుకునే వాళ్ళ వెనక పరిగెత్తడం కాదు.... నీ జీవితం కోసం పరిగెత్తు....
ఎవడో వస్తాడు, ఎదో చేస్తాడు...! ఆడొస్తే అది చేస్తాడు, ఈడొస్తే ఇది చేస్తాడు... అన్నది కాదు నువ్వెవరు? నువ్వేం చేస్తావ్? నీకోసం ఎం చేస్తావ్? ఎప్పుడైనా చేసావా?
కనీసం ఆలోచన ఐన చేసావా ?
టైం బాలేదు, టైం రాలేదు అని కూసే నువ్వు ఏ రోజు ఐన టైంకి లేచావా ? ఏ పని ఐన సక్రమంగా చేసావా ?
ఇంట్లో అమ్మ పాల పాకెట్ తెమ్మంటే కదలవు...... అదే నీ ఫ్రెండ్ రాత్రి 2 కి బీరేద్దాం రమ్మంటే పరుగెత్తికెళ్తావ్ ....! నీకు ఎలా వస్తుంది టైము?
దేవుడు నీ రాత సరిగా రాయలేదని నిందించే బదులు....!
నీ తల్లి తండ్రులే నీ దేవుళ్ళు అని ఎప్పుడైనా గుర్తించావా ?
ఏనాడైనా వాళ్ళకి చేతులెత్తి మొక్కవా ?
మనసారా అమ్మనాన్నతో ఒక్కసారి ఐన మాట్లాడవా?
ఆడి బాబుకి అంత ఉంది, ఈడీకి ఇంత ఉంది, నా బాబు నాకేమి ఇచ్చాడు అని మాట్లాడే నువ్వు...
నువ్వేమి సాధించడానికి వచ్చావో నిరూపించుకో.....!
ఇంట్లో నాన్న వేసుకునే మాత్రలు అయిపోతే పట్టించుకోని నువ్వు...... ఎవత్తో ఫేస్బుక్ లో పరిచయం ఐన అమ్మాయికి రీఛార్జ్ కోసం, లిఫ్ట్ ఇవ్వడం కోసం పరిగెడతావ్. తూ.... నీ
ఈ మధ్య ఇదొక ఫ్యాషన్ "Breakup feeling"
అమ్మాయి మోసం చేసిందట తాగేసి, గడ్డాలు మీసాలు పెంచేసుకొని ఊరిమీద ఆంబోతులా తిరగటం.....!
నువ్వేదో వైట్ కాలర్ జాబ్ చేస్తావని, సుఖంగా AC లో కూర్చుని పనిచేసుకుంటావని కలలు కన్న నీ తండ్రి నిన్ను అలా చూసి ఎంత కుమిలిపోతాడో ఆలోచించావా ?
(ఇక్కడ ఇంకో విధంగా రివర్స్ అవుతారేమో అమ్మాయే మోసం చేసింది, అమ్మాయిలే అబ్బాయిల్ని నాశనం చేస్తారు అని ...!)
చిన్నా....... ఒకటి గుర్తుంచుకో "మోస పోయాం" అంటే అది ఎదుటివాళ్ళ తెలివి కాదు......! నీ చేతకానితనం
ప్రేమించిన అమ్మాయి కోసం చస్తావా....?
ఎవడిచ్చాడు నీకా హక్కు ? అసలు ప్రేమంటే ఏంటో తెలుసా...?
నీకు ఉద్యోగం లేదని నిన్ను ప్రేమించిన అమ్మాయిని వేరే వాళ్ళకి ఇచ్చి పెళ్లి చేస్తే తప్పేంటి.... ?
నీ చెల్లెలిని ఒక ఉద్యోగం లేనివాడికి, నీకు సరిగా నమ్మకం కుదరని వాడికి నీ చెల్లెల్ని ఇచ్చి నువ్వు పెళ్లి చేస్తావా ? చెప్పు.....!
ప్రేమించడానికి మనసులు, ఇష్టాయిష్టాలు కలిస్తే సరిపోతుందని తెలిసిన నీకు పెళ్లి కి రెండు కుటుంబాలు కలవాలి, నీకు యోగ్యత ఉండాలి అనే ఇంగిత జ్ఞానం కూడా లేదా ?
ఎవడిస్తాడు నీకు పిల్లని ....?
నువ్వెంటో నిరూపించుకో ....!
ప్రేమ పుట్టడానికి ఒక్క క్షణం చాలు...! కానీ అదే ప్రేమని నిలబెట్టుకున్న వాడే అసలైన మగాడు.
నువ్వు మగాడివైతేనే ప్రేమించు ...!
ఇది పోటీ ప్రపంచం...! ఊరికే ఏది రాదు...!
కావలసిన దానికోసం పరిగెత్తాలి,పోరాడాలి, ప్రాధేయపడాలి...... తప్పని సరి పరిస్థితుల్లో తల వంచాలి...!
అది అమ్మాయి ఐన, ఉద్యోగం ఐన... ఇంకేదైనా...!
ప్రతి ఇంటికి కొన్ని పద్ధతులు ఉంటాయి అవి పాటించండి, తల్లి తండ్రుల్ని ప్రేమించండి, గౌరవించండి...!
ఇంట్లో వాళ్ళ మనసు నొప్పించి ఎన్ని గుళ్ళు తిరిగినా, ఎన్ని పూజలు, జపాలు చేసినా వ్యర్థమే ...!
గుర్తుంచుకో ఇప్పుడు కాదు ఎపుడైనా సరే నీ ఇంట్లో వాళ్ళ మనసు గెలుచుకోకుండా నువ్వు ఎం గెలుచుకున్న వ్యర్థమే.
Excellent speech sir
ReplyDelete