రైతన్నకు అండగా నిలిచిన లక్ష్య...

వీరన్నపేట గ్రామం, చేరియలమండలం, సిద్దిపేట జిల్లా, తెలంగాణ రాష్ట్రంలో ఉంటున్న మల్లయ్య గారికి  లక్ష్య ఫౌండేషన్ వారు  ₹17,000 ఆర్థిక సహాయం చేయటం జరిగింది...

రెండు తెలుగు రాష్ట్రాల్లో వాట్సాప్ గ్రూపుల ద్వారా గత నాలుగు  సంవత్సరాలుగా  లక్ష్య ఉద్యోగ సోపానం గ్రూప్స్ ద్వారా ప్రతిరోజు ఇరవై వేల మందికి పైగా  అన్నిరకాల ఉద్యోగ, ఎడ్యుకేషన్ సమాచారం పంపుతూ... ఎంతో మందికి చదువు విషయంలో సహాయపడుతున్నారు. వారు  అందరూ ఏర్పాటు చేసిందే ఈ లక్ష్య ఫౌండేషన్.

వివరాల్లోకి వెళ్తే... గతనెల 2వ తేదీన ట్రాక్టర్ ప్రమాదంలో కాలికి గాయం అయ్యి ఇప్పటికే రెండు సర్జరీలు అయ్యి, ఇంకో సర్జరీ కోసం సరిపడినంత ధనం లేక ఆర్థికంగా ఇబ్బంది పడుతున్న మల్లయ్యకు, రెండు తెలుగు రాష్ట్రాల్లో సభ్యులను కలిగిన లక్ష్య ఫౌండేషన్ వారు... ₹17,000 సహాయం చేయటం నిజంగా ఎంతో గొప్ప విషయం... అని స్థానికులు కొనియాడారు... రాష్ట్రాలుగా విడిపోయినా సరే... మానవత్వంగా మేమందరం ఎప్పటికి కలిసే ఉంటాము... ఇలా ప్రాంతాలుగా వేరైనా... మానవత దృక్పధంతో మల్లయ్యకు సహాయం చేయటం ఎందరికో స్ఫూర్తినిస్తుంది అని స్థానికులు అన్నారు...

ఈ విషయాన్ని లక్ష్య ఫౌండేషన్ ఛైర్మన్ అయిన శివారెడ్డి దృష్టికి తీసుకెళ్లి తమకెంతో సహాయం పడిన రాజ్ కుమార్ గారికి తామెంతో రుణపడి ఉంటామని మల్లయ్య కుటుంబ సభ్యులు చెప్పారు..

ఆసరా లేదని అక్షరం
డబ్బు లేదని ఊపిరి ఆగకూడదు...
చేతనైంతలో చేసుకుంటూ పోదాం..
అనే ఆశయంతో చేయి చేయి కలుపుకుంటూ ముందుకు పోతున్న లక్ష్య ఫౌండేషన్ టీమ్ ఇంకా ఎన్నో మంచి మంచి కార్యక్రమాలు చేయాలని కోరుకుంటున్నాం.

🏹లక్ష్య🇮🇳ఫౌండేషన్🤝