ఓ మనిషి
ఏమవుతాయి నీ డబ్బులు
ఏమవుతాయి నీ బంగళాలు
ఏమవుతాయి నీ కార్లు
ఏమవుతాయి నీ బంగారు ఆభరణాలు
ఏమవుతాయి నీవు సంపాదించిన లంచగొండి సొమ్ము
ఏ కారులో వెళ్లగలవు బయటికి నేడు
ఏ విమానంలో బయటకు వెళ్లగలవు నేడు
ఏ షిప్పులో బయటకు వెళ్లగలవు నేడు
ఎవడు నిన్ను తాకుతాడు ఈరోజు
ఏమవుతుంది నీవు కూడబెట్టిన వేల ఎకరాల భూమి
రోడ్డుకిరువైపులా పచ్చని పొలాలు మాయం చేస్తివి
పేదోడు వంద గజాల భూమి కొనుక్కునే పరిస్థితి చేజారిస్తివి
పచ్చదనం కాలరాస్తివి పైసలకు కకృతి పడితివి
ఏమవుతాయి నీ వందల ఎకరాల నేడు
అంతరాలు పెంచితివి
ఆత్మీయత తుంచితివి
డబ్బే సర్వస్వం అనుకుంటివి
డబ్బులిచ్చిఆపగలవా కరోనాను...
భూములిచ్చి ఆపగలవా కారోనాను
లంచమిచ్చి ఆపగలవా కారోనాను
మనిషిని మనిషిగా చూడవైతివి
నిన్ను కాపాడడానికి మళ్లీ మనిషే కావాలి నేడు(డాక్టర్)
డబ్బులున్నోడికొక మర్యాద
డబ్బులు లెనోడికొక మర్యాద
నడిచొస్తే ఒక మర్యాద
కార్లోవస్తే మరొక మర్యాద
గోచి పెడితే ఒక మర్యాద
సూటు వేస్తే మరొక మర్యాద
ఎందుకీ అంతరం-ఏమవుతావు నేడు
మానవా..
ఇకనైనా మేలుకో - అందరినీ కలుపుకో....
Comments
Post a Comment