నేటి మోటివేషన్.... చూసుకో నీ చుట్టూ కూడా ఉన్నారేమో....

చెప్పుడు మాటలు

 వియ్యంకుడి చెప్పుడు మాటలు విని మహామంత్రి తిమ్మరసు కళ్ళు పీకించాడు శ్రీ కృష్ణ దేవరాయలు.

 తన సొంత ఖర్చులు కోసం టోపీలు కుట్టుకునే  ఔరంగజేబు చెప్పుడు మాటలు విని అధికారం కోసం కన్న తల్లి తండ్రులని బంధించాడు.

తల్లి గర్భంలో చనిపోబోయే బిందుసారుడిని తన ఉపాయంతో బతికిస్తే చివరికి చెప్పుడు మాటలు విని బిందుసారుడే చాణక్యుడి మరణానికి కారణం అయ్యాడు.

 చెప్పుడు మాటలు విని కురు సామ్రాజ్యం పై పగ పెంచుకున్నాడు శకుని. అదే శకుని చెప్పుడు మాటలు విని ధ్రుతరాష్టుడు పాండవులపై యుద్ధం చేసి సర్వం కోల్పోయారు కౌరవులు.

 చెప్పుడు మాటలు విని రావణ బ్రహ్మ అంతటి మాహా జ్ఞానే సీతమ్మ తల్లిని అపహరించి రాముడితో యుద్ధానికి దిగి రాక్షసుడు అయ్యాడు. కడకు మరణించాడు.

 చెప్పుడు మాటలు విని స్నేహాన్ని కోల్పోయిన వారు కొందరు.

 చెప్పుడు మాటలు విని సంసారాలని నాశనం చేసుకున్నవారు మరికొందరు.

చెప్పుడు మాటలు విని అధికారాన్ని కోల్పోయిన వారు ఎందరో ఉన్నారు.

 శకుని చెప్పుడు మాటలు వినటం వలన హస్తినాపుర మహా సామ్రాజ్యమే సర్వనాశనం అయింది. మనమెంత..?

మనతో  ఉంటూ చెప్పుడు మాటలు చెప్పే శకుని లాంటి వాళ్ళతో అప్రమత్తంగా లేకపోతే ఎంతటివారికైనా అపజయం కలుగుతుంది అని చరిత్ర మరియు పురాణాలు చెప్తున్న నగ్న సత్యం...

 ఒకరి గురించి నీకు చెబుతున్నాడు అంటే ... నీ గురించి మరొకరికి చెప్పడా ?

అది ఆలోచించడం మన విజ్ఞత.

లక్ష్య స్వచ్చంద సేవా సంస్థ