అమరావతి: పొట్టి శ్రీరాములు తెలుగు విశ్వవిద్యాలయం ఆధ్వర్యంలో 2026-27 విద్యా సంవత్సరానికి వివిధ కోర్సుల్లో ప్రవేశాల ప్రక్రియ ప్రారంభం కానుంది. రాజమహేంద్రవరం, శ్రీశైలం, కూచిపూడి ప్రాంగణాల్లో అందుబాటులో ఉన్న పలు కోర్సుల్లో చేరేందుకు ఆసక్తి ఉన్న అభ్యర్థులు దరఖాస్తు చేసుకోవాలని విశ్వవిద్యాలయ రిజిస్ట్రార్ శ్రీనివాసరావు తెలిపారు.
రాజమహేంద్రవరం సాహిత్య పీఠంలో ఎం.ఏ. తెలుగు, జ్యోతిష్యం కోర్సులతో పాటు సర్టిఫికెట్, డిప్లొమా విభాగాల్లో యోగా సంబంధిత కోర్సులు నిర్వహించనున్నారు.
శ్రీశైలం ప్రాంగణంలో ఎం.ఏ. చరిత్ర, పురావస్తు శాస్త్రం కోర్సులకు అవకాశం కల్పిస్తున్నారు. కూచిపూడి ప్రాంగణంలో ఎం.ఏ. కూచిపూడి నృత్యం, కూచిపూడి నాట్యం వంటి కోర్సులతో పాటు సర్టిఫికెట్, డిప్లొమా స్థాయిలో సాత్వికాభినయం, యక్షగానం తదితర అంశాల్లో శిక్షణ అందించనున్నారు.
ఆసక్తి కలిగిన విద్యార్థులు అక్టోబర్ 17, 2026లోపు తమ దరఖాస్తులను సమర్పించాల్సి ఉంటుంది. దరఖాస్తు ఫారాలు, కోర్సుల వివరాలు ఆన్‌లైన్‌లో అందుబాటులో ఉంటాయి. కోర్సు ఫీజులను క్యూఆర్ కోడ్ ద్వారా చెల్లించే సదుపాయం కూడా కల్పించారు.
తెలుగు భాష, సాహిత్యం, కళలు, సంప్రదాయ విద్యల్లో ఆసక్తి ఉన్నవారు ఈ అవకాశాన్ని వినియోగించుకోవాలని విశ్వవిద్యాలయ అధికారులు సూచించారు.
మరిన్ని వివరాలకు సంప్రదించండి:
📞 9492692389
📞 0883-2947005
Comments
Post a Comment