నేటి మోటివేషన్... ప్రతి కల్చర్ లో ఎన్నో అద్భుతమైన సంగతులు తెలుస్తాయి. మనల్ని మరింతగా మానవత్వం లోనికి నడిపిస్తాయి.🙏
ఒకరోజు మేము M.Sc స్టూడెంట్స్ తో కలిసి ఫీల్డ్ వర్క్ లో భాగం గా వైజాగ్ బీచ్ కి వెళ్ళాము. నాతో పాటుగా ఇద్దరు సర్స్ మరియు ఒక స్కాలర్.
మేము వెళ్లిన పని అయిపోయింది.... స్టూడెంట్స్ అంత ఒక దగ్గర కూర్చొని గుసగుసలు, వాళ్ళకి నచ్చినవి కొందరు కొనుక్కొని తింటున్నారు... స్వతహాగా మనుషులను ఒబ్సెర్వె చేసే గుణమున్న నేను ఒక సంభాషణ ను గమనిస్తున్న... ఆంధ్ర యూనివర్సిటీ లో చాలా మంది విదేశాల నుండి వచ్చి చదువుకుంటారు, అదే విధంగా మా డిపార్ట్మెంట్ కు ఒక వ్యక్తి మాస్టర్స్ చదవడానికి ఆఫ్రికా దేశం నుండి వచ్చాడు వాళ్లల మాతృభాష ఫ్రెంచ్ .
ఒకమ్మాయి బీచ్ రోడ్ లో బెలూన్ కొనుక్కోని ఆడుతుంది... ఇంతలో ఆ అమ్మాయి దగ్గరికి ఒక చిన్న పాపా వచ్చి ఎదో అడుగుతుంది. తెలుగులో అడిగింది కనుక ఆ అబ్బాయికి అర్థం కాక మామ్ ఆ పాపా ఏముంటుంది అని అడిగాడు... ఆ పాపకి ఇలాంటి 🎈 బెలూన్ కావాలి ... ఎక్కడ వున్నాయి అని అడుగుతుంది అని చెప్పాను. ఒక్కసారిగా కాస్త దూరం గా అటు ఇటు చూసాడు... ఎక్కడ బెలూన్ అమ్మే వాళ్ళు కనుచూపు మేర కనపడలేదు... అపుడు ఆ అబ్బాయి ఆ అమ్మాయి దగ్గరకి వెళ్ళాడు... ఈ బెలూన్ ఎంత ? అని అడిగాడు... ఆ అమ్మాయి 100 రూపాయిలు అని చెప్పింది.
ఇంతలో ఆ అబ్బాయి తన జేబులో నుండి ఒక 100 రూపాయిలు బయటకు తీసి ఆ డబ్బులు నేను ఇస్తాను ఆ చంటి పిల్లకు బెలూన్ ఇవ్వమని చెప్తున్నాడు... ఆ సంభాషణ విన్న నేను చుట్టూతా చూస్తే ఆ పాపా వాళ్ల డాడీ తో ఎక్కడో దూరం గా వాకింగ్ చేసుకుంటూ వెల్పోతుంది.
నేను అపుడు వాళ్ళిద్దరి దగ్గరకు వెళ్లి.. ఎందుకు బెలూన్ ఇవ్వమంటున్నావ్ ? ఆ అమ్మాయి కొనుకుంది కదా... అని అడిగి... తన సమాధానం కోసం చూస్తున్నా...
మామ్, ఆ చంటి పాపకు బెలూన్ కావాలి.. కానీ ఇక్కడ అది దొరక లేదు. వాళ్ళ నాన్న మొహంలో కూతురికి కొని పెట్టలేకపోయానే అని ఫీలింగ్ నేను చూసాను... "మీ దేశం నాకు కొత్త, పరిస్థితులు ఇంకా తెలీదు... కానీ మా దేశంలో ఒక సంప్రదాయం ఉంది అది ఏంటంటే... ఎవరి పిల్లలు అయిన వాళ్ళు అందరికి సమానమే, అంటే మేము మా కన్న పిల్లల్ని చూసినట్టే పరాయి పిల్లల్ని చూస్తాము... ఎందుకంటే ఈ రోజు ఇక్కడ ఉన్న మనం రేపు ఎక్కడ వుంటామో తెలీదు, ఏ పంచన ప్రాణాలు పోతాయో తెలీదు... సో మాకు ఇహ పర బేధం లేదు "అన్నాడు!.
ఒక్కసారిగా నాలో నుండి ఎదో వదిలి వెల్పోతున్న ఫీలింగ్ కల్గింది.
ఆఫ్రికా వాళ్ళు నల్ల జాతీయులు,వెనకబడిన వాళ్ళు, కల్చర్ తెలీదు, ఇలా రాక రకాల మాటలు వింటాము మనం... కానీ అతని మాటలను బట్టి వాళ్ళు ఎంత విశాలం గా ఆలోచించారా ? ఆలోచిస్తారా ?? మనం ఎక్కడ ఉన్నాం? మన ఆలోచనలు ఎటు వెళ్తున్నాయి అని నన్ను నేను ఒకసారి ప్రశ్నించుకున్నాను.
అప్పుడు అనిపించింది ప్రతి మనిషి లోనూ ఏదో ఒకటి ఉంటుంది నేర్చుకోవడానికి... అని మన ఆలోచనలు, భావాలు విశాలం గా ఉంచి నేర్చుకోవాలే గాని ప్రతి కల్చర్ లో ఎన్నో అద్భుతమైన సంగతులు తెలుస్తాయి. మనల్ని మరింతగా మానవత్వం లోనికి నడిపిస్తాయి.🙏
Comments
Post a Comment