జవాబు: గోరింటాకు అరచేతులు , అరికాళ్ల మీద పండినంత ఎర్రగా మిగిలిన శరీర భాగాలమీద పండకపోవడం గమనించే ఉంటారు. అసలు ఈ ఆకుల వల్ల మన చర్మం మీద ఎర్రగా ఎలా పండుతుంది అనుకుంటున్నారా?
ఆకులోని లాసోన్ అనే పదార్థం చర్మంలోని స్త్రామ్ కార్నియం పొరలోని మృతకణాల ద్వారా లోపలకు ఇంకి చర్మానికి ఎరుపు రంగునిస్తుంది. లాసిన్తో పాటు మేనైట్ యాసిడ్, మ్యుసిలేజ్, గాలిక్ యాసిడ్, నాఫ్టాక్వినొన్ లాంటి రసాయనాలు కూడా ఇందులో ఉండటం వల్ల ఇది మంచి కలర్ డైగా వాడుకలో ఉంది. మన శరీరము వెలుపల ఉండే కెరోటిన్ కి అంటుకునే గుణము ఈ గోరింటాకుకు ఉంది. మన శరీరంలోని వెంట్రుకలు, గోళ్లు, అరచేతులు, అరికాళ్లు వంటి భాగాలలో కెరోటిన్ ప్రోటీన్ అధికం. అందుకే ఆ భాగాలలో బాగా పట్టి పండుతుంది.
👉 మన దేశంలో పెళ్లికి, గోరింటాకుకు విడదీయలేని అనుబంధం ఉంది అని చెప్పవచ్చు. పెళ్లి లేని గోరింటాకు ఉండవచ్చునేమో కానీ గోరింటాకు లేని పెళ్లి సందడి ఉండదంటే అతిశయోక్తి కాదు. ఉత్తర భారతీయులైతే పెళ్లికి ముందు మెహెంది అని గోరింటాకు పెట్టుకోవడానికే ఒక ప్రత్యేకమైన కార్యక్రమం ఏర్పాటు చేస్తారు. అబ్బాయి తరఫు నుంచి వచ్చిన గోరింటాకుతో పెళ్లి కూతురుకు అందమైన డిజైన్లు దిద్దుతారు. కొన్ని సంప్రదాయాలలో కొత్త పెళ్లి కూతురి చేతి గోరింటాకు వదిలేవరకు వంటింట్లోకి రాకూడదని అంటారు. అమ్మాయిని అంత అపురూపంగా చూసుకుంటారన్నమాట.
👉 గోరింటాకు రంగు మార్చాలంటే దానిలో కాఫీపొడి లేదా టీ డికాక్షన్ వంటివి కలుపుతారు. మన శరీరంలో చర్మంలోని కెరోటిన్తోనే గోరింటాకు రియాక్ట్ అవడం వల్ల... కాలంతో కెరటిన్ మృతకణాలు రాలిపోతాయి. దానితో పాటే గోరింటాకు రంగూ పోతుంది. అందుకే గోరింటాకు పెట్టుకున్న తరువాత కొద్దిరోజులే ఆ రంగు ఉంటుంది.
Comments
Post a Comment