వాడికి తెలుసు....!!
ఒకవేళ బయటకి నువ్వు ఎదో వాడిని అప్పటికప్పుడు సాటిస్ఫయ్ చేయడంకోసం నాలుగు మోటివేటింగ్ మాటలు మాట్లాడినా, వాడు వెళ్ళిపోయాకా వాడి బాధని చూసి నవ్వుకుంటావని... వాడి బలహీనతని చూసి వెక్కిరిస్తావని వాడికి తెలుసు...!!
వాడికి నువ్వు జ్ఞాన బోధచేసేసి వాడి జీవితాన్ని నిలబెట్టేసినంత ఫోజ్ కొట్టి ఆ తర్వాత నుండి వాడి మీద నువ్వు నీ వ్యక్తిత్వాధిపత్య గర్వాన్ని చూపించడం మొదలు పెడతావని వాడికి తెలుసు....!!
అప్పటిదాకా నీతో సమానంగా అన్ని విషయాల్లో పాలుపంచుకున్నవాడు... కొన్ని కొన్ని సార్లు నీకంటే బాగా ఆలోచించి నిన్ను ఇబ్బంది పెట్టిన వాడు ఒక్కసారి నీ దగ్గరకి వచ్చి వాడి బాధలు చెప్పుకుంటే...ఆకలి మీద ఉన్న పులికి దొరికిన ఆహారం లా వాడిని నువ్వు మీద పడి కొరికి కొరికి తినేసి నీ ఆకలి తీర్చుకుంటావని వాడికి తెలుసు..!!
నువ్వు నీ ఈగో సాటిస్ఫయ్ చేసుకుంటూ వాడి తప్పులను జడ్జి చేస్తూ నోటికొచ్చిన పనికిమాలిన సలహాలన్ని ఇచ్చి వాడి పై ఈ ఆటలో నువ్వు గెలిచేసినట్టు ప్రగల్భాలు పలికి చివరికి వాడినే ఓడగొడతావని వాడికి తెలుసు...!!
వాడి ఈగో తో కట్టుకున్న పేక మేడని ఒకేసారి నీ ఈగో అనే తుఫాను తో కూల్చిపాడేస్తావని వాడికి తెలుసు...!!
అందుకే వాడు రాడు... చస్తాడు గాని నీ దగ్గరకి మాత్రం రాడు..!!
ఎందుకో తెలీదు... ఏడుపు ని బాధపడటాన్ని ఈ సమాజం జీవితం లో ఒక భాగం గా చూడదు. దాన్ని ఒక వ్యక్తిత్వలోపం గా చేతకానితనం గా లెక్క కట్టి మనస్ఫూర్తిగా ఏడ్చి భారం తీర్చుకునే స్వాతంత్య్రం కూడా లేకుండా చేస్తుంది....!
నా దృష్టి లో వాడిది సూసైడ్ కాదు మర్డర్....మొత్తం సమాజం అంతా కలిసి చేసిన మర్డర్...!!
అది ఈ సమాజం అర్ధం చేసుకున్న రోజునైనా... ఈ సూసైడ్ లు అనబడే హత్యలు ఆగుతాయేమో వేచి చూడాలి...😢
Comments
Post a Comment