జవాబు: రాత్రి వేళల్లో కాంతి పడితే పిల్లి - పులి కళ్ళు లాంటి జంతువుల కళ్ళు మెరుస్తాయెందుకు అనే విషయం మీకు తెలుసా!
👉 పిల్లి, పులి లాంటి జంతువుల కనుగుడ్డు పై భాగంలో టాపిటం ల్యూసిడం అనే ప్రత్యేకమైన సన్నని పొర ఉంటుంది. ఈ పొరకు కాంతిని పరావర్తనం చేసే భౌతిక ధర్మం ఉంటుంది. కొంతమేరకు పారదర్శకంగా ఉండే ఈ పొర కుంభాకార దర్పణం ఆకారంలో ఉంటుంది. దానిపై కాంతి కిరణాలు పడినప్పుడూ అవి పరావర్తనం చెంది మన కంటిని చేరతాయి. ఆ కిరణాల వల్లనే మనకు ఆయా జంతువుల కళ్లూ మెరుస్తున్నట్లు కనిపిస్తాయి. ఈ పొర వలనే ఆ జంతువులు చీకట్లో కూడా పరిసరాలను చూడగలుగుతాయి.
👉 రాత్రివేళ బస్సులో వెళుతున్నప్పుడు ఆ బస్సు లైట్ కాంతిలో జంతువుల కళ్లు విభిన్న రంగుల్లో మెరుస్తూ కనిపిస్తాయి. పిల్లి కళ్లు పచ్చగా, పశువుల కళ్లు ఎర్రగా మెరవడం గమనించే ఉంటారు. ఇదంతా ఆయా జీవుల కంటి నిర్మాణంలోనున్న తేడాలు, కంటిలోపల కాంతిని గ్రహించే రెటీనాలో ఉండే స్పటికపు పొర కాంతిని ప్రతిఫలించే లక్షణం వలన రెటీనాకు సరఫరా అయ్యే రక్తం ఈ స్పటిక నిర్మాణంలో ఉన్న తేడాలను బట్టి ఒక్కొక్క జీవి కళ్లు ఒక్కొక్క రంగును బయటకు ప్రతిఫలిస్తాయి. ఆ రంగులో ఆయా జీవుల కళ్లు మెరుస్తున్నట్లు కనిపిస్తాయి.
Comments
Post a Comment