🌸జవాబు: పదార్థాల గుండా ఉష్ణము ప్రవహించే విధానాన్ని "ఉష్ణ లక్షణము (thermal conductivity)" అంటారు. పదార్థాలను వేడి చేసినపుడు వాటి ఘనపరిమాణం సాధారణంగా వ్యాకోచించడాన్ని 'ఉష్ణ యాంత్రిక (thermal expansivity)' అంటారు. నీటి విషయంలో ఈ రెండు సమన్వయంగా పని చేస్తాయి. లోహాలకు నీటికన్నా అధిక వాహకత్వ లక్షణము ఉంటుంది. అందువల్ల మొదట లోహపాత్రకు ఎక్కువ ఉష్ణము వెళ్లి అది త్వరగా వేడెక్కుతుంది.. కాబట్టి నీటి కన్నా ముందే పాత్ర వ్యాకోచిస్తుంది.
అంటే పాత్ర ఘనపరిమాణం పెరుగుతుంది. అంతే తీవ్రతతో నీటి ఘన పరిమాణం వ్యాకోచింకపోవడం వల్ల మొదట్లో నీటి మట్టము తగ్గుతుంది. క్రమేపి ఉష్ణము నీటికి తాకి పాత్ర, అందులోని నీరు... ఉష్ణోగ్రత పరంగా సమతుల్యాన్ని (thermal equilibrium) చేరుకుంటాయి. అయితే... ఘన పదార్థాల కన్నా ద్రవ పదార్ధాలకు ఉష్ణ వ్యాకోచగుణం ఎక్కువ. ఒకే రకమైన ఉష్ణోగ్రతా వృద్ధిని (temperature rise) ఇస్తే అంతే ఘన పదార్థమైన పాత్ర కన్నా.. ద్రవ పదార్థమైన నీరు బాగా వ్యాకోచిస్తుంది. కాబట్టి వేడి చేస్తున్న సమయంలో క్రమంగా నీటి ఘనపరిమాణం, పాత్ర ఘనపరిమాణం కన్నా బాగా పెరుగుతుంది.
నీటిని ఎక్కువసేపు మరిగిస్తే ఆవిరై నీరు పరిమాణం తగ్గును. పైన చెప్పిన సిద్ధాంతం వేడిచేసేటప్పుడు మాత్రమే మొదట్లోనే జరుగుతాయి.
Comments
Post a Comment