జీవితం వ్యక్తిగతమైనది కావాలి.... జీవన విధానం సమాజ సమ్మతమైనది కావాలి.
మన జీవితం ఎప్పుడూ మన చేతుల్లోనే ఉండాలి. ఎవరి acceptance కోసమో మన జీవితాన్ని నరకం చేసుకోకూడదు. అలాగని విచ్చలవిడితనానికి అలవాటు పడకూడదు.
ఈ రెండు లైన్లు అర్థమైతే జీవితం మొత్తం చాలా సాఫీగా, సంతోషంగా ఉంటుంది.
నా చిన్నప్పటి నుండి నాకు ప్రధాన శత్రువు సొసైటీ. తెలిసీ తెలియని వయస్సులో చాలా ఫైట్ చేశా సొసైటీ గురించి.. సొసైటీని చూసి భయపడ్డాను, బాధపడ్డాను, చాలాసార్లు ఏడ్చాను.. అన్నీ అయ్యాక ఫైనల్‌గా సొసైటీని జయించాను. ఇప్పుడు నాకు గుంపుల గుంపుల మనుషుల అభిప్రాయాలతో పనిలేదు. నా ఆలోచనల్లో స్పష్టత ఉన్నంత వరకూ నేనెవరి acceptance కోసం ఎదురు చూడాల్సిన పనిలేదు.
యెస్.. సొసైటీ మనలో చాలామందికి అజ్ఞాత శత్రువు. అనుకునే వాళ్లు చాలామందే ఉంటారు.. మనం ఏం చేసినా.. నోటికొచ్చింది అనేసుకుంటారు.. వాళ్లకు పోయేదేముంది..?
తిన్నగా ఉన్నా అనుకుంటారు, వంకరగా ఉన్నా అనుకుంటారు.. ఎలాగున్నా అనుకునే వాళ్లు అనుకుంటారని డిసైడ్ అయిపోయి బరితెగించకూడదు. అస్సలు మనం బ్రతకాల్సింది సొసైటీ గురించి కాదు.. మన లైఫ్ ఇది. మన లైఫ్‌లో ఫస్ట్ మనకు అన్నీ అర్థం అవ్వాలి. ఎలాంటి కన్‌ఫ్యూజన్లు ఉండకూడదు. ఓ తప్పు చేస్తుంటే ఆ తప్పు మన మనఃసాక్షికి ఆమోదయోగ్యం అయితే ఇంకెవరి పర్మిషన్లూ అవసరం లేదు. కానీ మనఃసాక్షి ఏ తప్పునూ క్షమించదు. సో మనస్సు ఇచ్చే జడ్జిమెంట్లని మాత్రమే మనం లెక్కలోకి తీసుకోవాలి.
ఆఫ్టరాల్ మనుషులు.. ఇవ్వాళ ఉంటారు, రేపు పోతారు, మళ్లీ ఎల్లుండి వస్తారు. ఇళ్లంతా కళకళలాడుతున్నప్పుడు పరిగెత్తుకుంటూ వచ్చే చుట్టాల్లాంటి వాళ్లు.. వీళ్లదేముంది? చాలామందికి మనం అస్సలు అర్థం కాము. అర్థం కావాల్సిన అవసరం కూడా లేదు. అయినా జనాలు క్యూరియాసిటీ చూపిస్తారు అంతే. అది మానవ నైజం. సో ఎవరికో అర్థం కావడం కోసం వెధవ explanations ఇస్తూ... అందర్నీ సంతృప్తిపరుస్తూ.. మీరు నలిగిపోతూ బ్రతికేయాల్సిన పనిలేదు.
ఫస్ట్ మీ కంట్రోల్ దాటిపోయి జనాల మైండ్‌సెట్లలోకి వెళ్లిపోయిన మీ జీవితాన్ని మీ కంట్రోల్‌లోకి తీసుకోండి. మనుషుల్నీ, సొసైటీని వదిలేయండి.. మీతో లాభం ఉందనుకున్న రోజున ప్రతీ ఒక్కరూ మీ వెంట వస్తారు. మీరు అవసరం లేదనుకున్న రోజున ఖచ్చితంగా మీరెవరో తెలీనట్లు ప్రవర్తిస్తారు. వాళ్లు అలా బిహేవ్ చెయ్యడం స్వార్థమనుకోకండి.. మీరైనా, నేనైనా, ఎవరమైనా అంతే.
మనకు పని ఉంటేనే మనిషి గుర్తొస్తారు. పని లేకపోతే మనిషి అస్సలు అవసరం లేదు. ఇది జనరల్ హ్యూమన్ సైకాలజీ. దీని గురించి బాధపడాల్సిన పనిలేదు. హాపీగా సొసైటీ నుండి మీ జీవితాన్ని మీ కంట్రోల్‌లోకి తీసుకోండి. మనుషుల వెచ్చని స్పర్శల నడుమ సెక్యూర్డ్‌గా ఉంటామన్న భ్రమలో కూరుకుపోకండి. ఆ వెచ్చటి స్పర్శల కన్నా మన శరీరంలో ఉత్పత్తి అయ్యే ఫైర్, మన జీవితం కోసం మనం చేసే పోరాటం.. మనలోకి మనం తొంగి చూసుకునే పరిశీలనా చాలా చాలా చాలా పవర్‌ఫుల్.
Take Control of your Life..
very inspiring sir...
ReplyDelete