సుధాకర్ ఆఫీసులో క్లెర్క్ గా పని చేస్తున్నాడు, మనిషి మంచివాడే కానీ పూర్తిగా భార్యా విధేయుడని మిగతా స్టాఫంతా చెవులు కొరుక్కుంటుటారు
సుధాకర్ ఆరోజు ఎందుకో చాలా చిరాకుగా ఉన్నాడు
.
బాస్ రూం లోకి అడుగుపెట్టి విష్ చేసాడు సుధాకర్..
బాస్ సుధాకర్ వైపు చూడకుండానే ఫైలు చూసుకుంటూ
“ ఏమయ్యా సుధాకర్? ఏంటి ఇవాళ చిరాగ్గా ఉన్నావ్? ఎనీ ప్రాబ్లెం ?” అడిగాడు
.
“ మీరెలా కనుక్కున్నారు సర్ ?” మనసులో మాట బయటకు అనేసి నాలుక్కరచుకున్నాడు..
.
బాస్ నవ్వుతూ..” నీవు ఎప్పుడూ అంత విసురుగా నా కేబిన్ డోరు తీయలేదు అందుకే అడిగాను ఎనీ ప్రాబ్లం ?”
.
అవును సర్..మా అమ్మ నే ప్రాబ్లం సర్ !
.
.
మీ అమ్మ ప్రాబ్లమా ? ఆశ్చర్యపోయాడు బాస్.
“ఇఫ్ యు డోంట్ మైన్, నీ పర్సనల్ విషయం లో తల దూరుస్తున్నాను అనుకోకపోతే , విషయం ఏమిటో చెప్పగలవా ?”
“ మా అమ్మతో చాలా ప్రాబ్లం గా ఉంటోంది సార్. రాత్రుళ్లు దగ్గుతూ నిద్ర లేకుండా చేస్తుంది. మేం చేసిన వంట ఆమెకు రుచించదు. బాత్రూం అంతా గలీజు చేస్తుంది. ఓక్కోసారి బట్టల్లోనే అన్నీ చేసుకుంటుంది . భరించలేకున్నాం సర్ . నాభార్య తో మా అమ్మ గురించి రోజూ గొడవ పడవలసి వస్తోంది . చివరకు మూడురోజుల క్రితం వ్రుధ్ధాశ్రమం లో జాయిన్ చేసాను . అప్పటినుండి ఈరోజు వరకు భోజనం చేయటం లేదట, వ్రుధ్ధాశ్రమం వారు గంట, గంటకు ఫోన్ చేసి మీ అమ్మను తీసికెళ్ళమని ఫోన్ లతో చంపేస్తున్నారు సర్!” విసుగుకు కారణం చెప్పాడు
.
.
బాస్ సానుభూతి చూపిస్తూ “చాలా సఫర్ అవుతున్నావు సుధాకర్, ఈ చిరాకు పని మీద చూపించకు.. ఓకే.” అన్నారు
.
“నిన్ను ఎందుకు పిలిచా అంటే
నీమీద నమ్మకంతో.. ఈ రెడ్ కలర్ ఫైలు నీకు అప్పగిస్తున్నాను . నేను ఎప్పుడు అడిగితే అప్పుడు చూపాలి, ఆఫీసులో ఎట్టి పరిస్థితి లో పెట్టరాదు, ఎప్పుడూ నీ వెంటే ఉంచుకోవాలి, ఈ పని నీవు చెయ్యగలవా?”
.
.
“నామీద మీరంత నమ్మకం పట్టుకున్నాక ఈ పని నేను చెయ్యలేక పోవడం ఏంటి సర్? చేస్తాను” అని ఫైలు తీసుకుని బయట పడ్డాడు.
ఓరోజు బాస్ సుధాకర్ తో “మనిద్దరం బెంగుళూరు కు వెళుతున్నాం, ఫైలు తో రెడీగా ఉండు, నీ లగేజ్ సర్జుకుని రమ్మన్నాడు”
.
ఇంతమంది స్టాఫ్ లో నన్నే తీసుకు వెడుతున్నాడు బాస్ అని లోలోపల గర్వంగా కూడా ఫీలయ్యాడుసుధాకర్ . అప్పటికే సుధాకర్ బాస్ కు దగ్గరయ్యాడని స్టాఫ్ లో క్రేజ్ కూడా పెరిగింది, ఇద్దరూ రైలులో ప్రయాణం చేస్తున్నారు, TC గారు టికెట్ చెకింగ్ కు వచ్చారు,బాస్ సుధాకర్ టికెట్స్ చూపించమన్నారు,సుధాకర్ అవాక్కయ్యాడు,నా దగ్గర టికెట్స్ లేవు. ....మీరెప్పుడిచ్చారు ?
.
బాస్ కు చిర్రెత్తుకోచ్చింది,
యూ ఫూల్ ! టికెట్స్ బుక్ చేయమని కూడా నేను నీకు చెప్పాలా ? నీకు తెలియదా ? అనేసరికి గడ,గడ వణికిపోయాడు సుధాకర్.. ఇప్పుడెలా ?
.
.
సర్! మీరెలాగో అడ్జస్ట్ అవండి. నేను టాయ్ లెట్ లో దూరిపోతాను అని బాస్ సమాధానం కోసం కూడా ఎదురుచూడకుండా టాయ్ లెట్ లో దూరిపోయాడు. రాత్రంతా టాయ్ లెట్ కంపుతో వాంతులయ్యాయి. తలపట్టేసింది.
.
.
మెుత్తానికి బెంగుళూరు చేరారు,
.
బెంగుళూర్ లో తనఇంటికి తీసుకెళ్ళాడు సుధాకర్ ను. బాస్ ఇల్లు ఇంద్ర భవనం లా ఉంది . ముఖ్యం గా బాస్ తల్లిగారు రాజమాతలా ఉన్నారు ...బెడ్ మీద
.
బాస్ ఇంట్లోకి వెళ్తూనే సరాసరి తన తల్లి ఉన్న గది కి వెళ్ళి ఆమె పాదాలు పట్టుకున్నాడు . ఆమె కళ్ళు తెరచి కొడుకుని చూసి...... ఏరా?... ఇదేనా రావడం?..... భోంచేసావా? “ అంటూ ఆప్యాయంగా పలకరించింది
పసిపిల్లాడిలా ఆమె ముందు నిలబడ్డ తన బాస్ ను చూసి ఈయన మా బాసేనా? అన్న అనుమానం వచ్చింది సుధాకర్ కు, అన్నింటికన్నా ఆశ్చర్యమైన విషయం ఏంటంటే స్వయానా బాస్ భార్యనే దగ్గరుండి అత్తగారికి సపర్యలు చేయడం.
.
సుధాకర్ లో ఇవన్నీ చూసిన వెంటనే తనలో అంతర్మధనం మెుదలైంది,
తనకు, తన బాస్ కు ఎంత తేడా? అంత హోదాలో ఉన్నా కూడా ఇసుమంతైనా విసుగు లేకపోవడం ఎలా సాధ్యం?
ఈ ఆలోచన లతో రాత్రి నిద్ర రాలేదు, తన తల్లి రూపమే కళ్ళముందు కనబడుతుంది.
.
తెల్లారింది.. రాత్రంతా నిద్ర లేక సుధాకర్ కళ్ళు ఎర్రబడ్డాయి..
అక్కడ ఆఫీస్ కి బయలుదేరుతూ “ ఆ ఫైలు తీసుకురా!”
“ సర్! ఇక ఆ ఫైలు నేను మోయలేను, నన్నొదిలెయ్యండి ప్లీజ్..” అన్నాడు
ఏం? అంత బరువు గా ఉందా ఆ ఫైల్?
“ ఫైలు బరువు కాదు! దాన్ని మెయింటైన్ చెయ్యడం కష్టంగా ఉంది సర్..”
బాస్ మెల్లగా లేచి సుధాకర్ భుజం పై చేయి వేసి
“ వంద గ్రాముల బరువు కూడా చెయ్యని ఫైలు ను నీవు కనీసం మూడురోజులు మెుయ్యలేక పోయావే! మరి నిన్ను మీ అమ్మ తన కడుపులో తోమ్మిది నెలలు ఎలా మోసిందంటావ్?
ఊహించని ప్రశ్న కు సుధాకర్ కు దిమ్మ తిరిగిపోయింది.. సర్.. అంటూ నీళ్ళు నమిలాడు.
“ ఎవరెవరో వాడిన టాయ్ లెట్ ను రాత్రంతా భరించావు! మరి నీ కన్నతల్లి వాసనని భరించలేక పోయావా?” ఆమె తిన్న ఆహారం తోనే నీవు ఆమె కడుపులో తొమ్మిది నెలలు బ్రతికావు. అప్పుడు రాలేదా వాసన? నిన్ను కనడానికి ఆమె ఎంత నోప్పి ని భరించిందో నీవు ఊహించగలవా? నీ పుట్టుక తో ఆమె కళాకాంతులు కోల్పోయిన సంగతైనవనీకు తెలుసా? ఎన్ని సంవత్సరాలు ఆమె నీకు ఊడిగం చేసిందో చెప్పగలవా? నాన్న తన్నుల నుండి నిన్ను ఎన్ని సార్లు కాపాడిందో గుర్తుకు తెచ్చుకో సుధాకర్? సృష్టి లో మనకు బలమైన మద్దతుదారు అమ్మ ఒక్కటే !
నీ కడుపు నింపడానికి ఆమె ఎన్ని సార్లు కడుపు కాల్చుకుందో నీకు తెలుసా? కనీసం ఆ కోణం లో ఆలోచించావా?
నీవు ఆమెను వృద్దాశ్రమం లో వదిలినట్టుగా నీ చిన్నప్పుడు ఆమె కూడా నిన్ను అనాథ శరణాలయం లో వదిలేసి ఉంటె నీ గతి ఏమయ్యేది ?”
" సర్ నాకు సెలవు కావాలి సర్!" సుధాకర్ అడిగాడు .
దేనికి?
"మా అమ్మను వ్రుధ్ధాశ్రమం నుండి నా ఇంటికి తెచ్చుకోడానికి
🏹లక్ష్య🇮🇳స్వచ్చంద📚సేవా🩺సంస్థ
Comments
Post a Comment