ఒక చిత్రం అనేక విషయాలను తెలుపుతుంది. , ఇది అనేక భావోద్వేగాలు, భావనలను కలిగిస్తుంది. , దీనిది విశ్వభాష. , మనసుకు ఆహ్లాదాన్ని కలిగించే ప్రతి దృశ్యాన్ని ఫొటో రూపంలో బంధించి.. , విలువైన జ్ఞాపకంగా మనతో ఉంచుకోవచ్చు. , వీటిని చూసినప్పుడల్లా పాత గుర్తులను నెమరువేసుకునే అవకాశం ఉంటుంది. , మనకు కావాల్సిన వ్యక్తులు, ప్రకృతి అందాలు, పక్షులు - జంతువులు, కాలానికి అనుగుణంగా వచ్చే మార్పులు ఇలా ప్రతిదీ మనం చిత్తరువుగా భద్రపరచుకోవచ్చు. , ప్రస్తుత డిజిటల్ యుగంలో స్మార్ట్ఫోన్ల వాడకం పెరిగాక ప్రతి సందర్భాన్ని తీపి గుర్తుగా మలుచుకునేందుకు ఫొటోలను తీసుకుంటున్నారు. , చారిత్రక సంఘటనలకు దృశ్య రూపం కల్పించి, వాటిని భవిష్యత్తు తరాలకు అందించడంలో ‘ఫొటోగ్రఫీ’ ముఖ్యపాత్ర పోషిస్తోంది. , మానవ జీవనంలో ఫొటోగ్రఫీ ప్రాముఖ్యాన్ని తెలియజేసే ఉద్దేశంతో ఏటా ఆగస్టు 19న ‘ప్రపంచ ఫొటోగ్రఫీ దినోత్సవం’గా (World Photography Day) నిర్వహిస్తారు. , దీన్నే ‘వరల్డ్ ఫొటో డే’గా పిలుస్తారు. , ఈ కళారూపాలకు కారణమైన ఫొటోగ్రాఫర్లను గౌరవించుకోవడంతోపాటు సమాజంలో దీన్ని ఒక కళగా వ్యాప్తి చేయడం ఈ రోజు ముఖ్య ఉద్దేశం.
ఒకప్పుడు కాలక్షేపానికి ఫొటోలు తీసేవారు. , సాంకేతికత అభివృద్ధి చెందడంతో కాలక్రమేణా ఫొటోగ్రఫీ ఎంతగానో మెరుగుపడింది. , ప్రస్తుతం దీన్ని ఒక కెరీర్గా ఎంచుకునే స్థాయికి ఎదిగింది. , మన దేశంలోని కొన్ని ఇన్స్టిట్యూట్స్ ఫొటోగ్రఫీలో డిప్లొమా, యూజీ, పీజీ లెవల్లో కోర్సులు అందిస్తున్నాయి. , ఉద్యోగం లేదా ఫ్రీలాన్సింగ్ ద్వారా ఉపాధి పొందేందుకు ఇది చక్కటి కెరీర్ ఫ్లాట్ఫాంలా ఉపయోగపడుతోంది.
చారిత్రక నేపథ్యం
ఫొటోగ్రఫీ చరిత్ర 1837లో ఫ్రాన్స్లో ప్రారంభమైంది. , ఆ సమయంలో జోసెఫ్ నీస్ఫోర్ నీప్సే, లూయిస్ డగ్యురే అనే శాస్త్రవేత్తలు మొదటిసారి ఫొటోగ్రఫిక్ ప్రక్రియ లేదా డాగ్యురోటైప్ను అభివృద్ధి చేశారు.
1838లో లూయిస్ డగ్యురె తొలిసారి ఇద్దరు వ్యక్తుల ఫొటో తీశాడు. , 1839, ఆగస్టు 19న ఫ్రెంచ్ ప్రభుత్వం డాగ్యురోటైప్ ప్రక్రియను అధికారికంగా ప్రకటించింది. , ఫొటోలను సంగ్రహించి, రక్షించే పద్ధతుల్లో ఒకటిగా ఇది పేరొందింది. , ఫొటోగ్రఫీ పుట్టుకకు దీన్నే నాందిగా పేర్కొంటారు.
ఈ కీలకమైన రోజును గుర్తుంచుకునేందుకు ఏటా ఆగస్టు 19న ‘ప్రపంచ ఫొటోగ్రఫీ దినోత్సవం’గా జరుపుకోవాలని ప్రపంచ ఫొటోగ్రఫీ సంస్థ 2009లో తీర్మానించింది. , దీన్ని మొదటిసారి 2010లో నిర్వహించారు.
2025 నినాదం:
"My Favorite Photo"
Comments
Post a Comment