నేటి మోటివేషన్... గురువు ఎలా ఉండాలి...

గురుర్బ్రహ్మగురుర్విష్ణు

గురుర్దేవో మహేశ్వరః

గురుస్సాక్షాత్ పరబ్రహ్మ

తస్మై శ్రీ గురవే నమః

     

మన సనాతన ధర్మంలో

 

"గురువు" యొక్క స్ధానము

ఐహికంగాను...

ఆధ్యాత్మికంగాను...

ఉత్కృష్టమైనది.

వృత్తి రీత్యా 

ఉపాధ్యాయులు అయినవారు 

మనకు...

మన సమాజంలో గౌరవనీయ...

పూజనీయ స్థానం... 

లభించినదని భావించి 

ఆదర్శ నీయులుగా తమను 

నిరంతరం తీర్చిదిద్దుకొంటుండాలి.

తమ పాఠశాలను స్వగృహముగా...

తమ విద్యార్థులను కన్నబిడ్డలుగా భావించాలి.

వారిని ప్రేమించాలి.

వారిచే ప్రేమించబడుతుండాలి.

పాఠశాల ప్రారంభసమయానికి ఖచ్చితంగా హాజరు కావాలి.

ఆదర్శవంతంగా 

పాఠశాల అసెంబ్లీ నిర్వహించాలి.

పాఠశాల ఆవరణ 

పరిశుభ్రతకు గల ప్రాధాన్యత విద్యార్థులకు

అర్థం అయ్యేలా...

సమయ పాలన పాటించేలా మార్గదర్శనం చేయాలి.

ఖచ్చితంగా 

తరగతి గదిలోనికి 

నిర్దేశిత సమయంలో వెళ్లి రావాలి.

తన తరగతిలో విద్యార్థులకు 

ప్రారంభంలో లేదా 

పాఠ్యబోధన మధ్యలో...

ధ్యానం... శ్లోకం... పద్యం...

జాతీయ నాయకుల పరిచయం... నైతికబోధ...

ఆదర్శ కధనం...

ఇలా

ఏదేని ఒక అంశం గురించి 

ప్రతిరోజూ 

పది నిమిషాలు కేటాయిస్తూ... పాఠ్యబోధన చేయాలి.

విద్యార్థులు 

ఉపాధ్యాయులందరిని 

గౌరవించేలా తీర్చిదిద్దాలి.

ఆ క్రమంలో మనం ఆదర్శంగా ఉండాలి...

విద్యార్థులలో ఏవేని

లోపాలుంటే ప్రేమతో సరిదిద్దాలి.

విద్యార్థులలో 

వ్యక్తిగత ద్వేషాలు 

తలెత్తకుండా గమనిస్తూ... 

ఒకే కుటుంబభావన నిర్మాణం చేయాలి.

విద్యార్థులకు 

విద్యయొక్క విలువ 

స్వయంగా గ్రహించి...

"శ్రద్ధ"... పెంపొందించుకొనే 

విధంగా తీర్చిదిద్దాలి.

విద్యార్థులలో 

సాత్విక భావాలు...

సానుకూల (పాజిటివ్) దృక్పథం పెరిగేలా...చూడాలి.

జీవితం అంటే సుఖసంతోషాలేకాదు...

కష్టనష్టాలు...

సమస్యలు ఉంటాయని...

వాటిని ధైర్యంగా ఎదిరించి 

విజయం సాధించే మనోశక్తి ఉండాలనే దృక్పథం పెంపొందించాలి.

నిరాశావాదులుగా...హింసావాదులుగా కాకుండా ఆశావాదులుగా...

అహింసావాదులుగా మార్చాలి.

మాతృభాషపై ప్రేమ...ప్రావీణ్యం... పెంపొందించి 

అన్ని భాషలు... 

సబ్జెక్టు లలో మెరుగుదలకు 

మాతృభాష మూలమనే 

ఎరుకను కలుగజేయాలి.

మాతృభూమి 

ఘనతపై 

అవగాహన కలిగించేలా...

దేశభక్తి పెంపొందేలా 

మన బోధనలో విషయాలు జోడించాలి.

విద్యార్థుల లోని ప్రతిభను గుర్తించి ప్రశంసించాలి.

మన పరిధిలో ప్రోత్సహించాలి.

విద్యార్థుల తల్లి /తండ్రులతో సత్సంబంధాలు కలిగి ...

విద్యార్థులతో 

వ్యక్తిగత సంబంధం కలిగి 

విద్యాప్రగతి...

బలాలు 

బలహీనతలు గమనించి 

పరిధికి లోబడి స్పందించాలి.

"జ్ఞానము"నేర్పించే విషయం కాదు...

అజ్ఞానం తొలిగిస్తే జ్ఞానం కలుగుతుంది.

అయితే "విజ్ఞానం" నేర్పించే విషయం

 కాబట్టి ఉపాధ్యాయులు 

నిరంతర విద్యార్ధులుగా 

విషయ పరిజ్ఞానాన్ని పెంపొందించుకొంటుండాలి.

విద్యార్ధుల సామర్ధ్యానికి 

తగినరీతిలో 

మనం నేర్చుకొన్న విషయాలు 

వారికి అందించాలి.

"శ్రద్ధావాన్ 

లభతే జ్ఞానం" 

🏹లక్ష్య🇮🇳స్వచ్చంద📚సేవా🩺సంస్థ